MC Proses Lamaran

Ass Wr. Wb

Nuwun

Ingkang kinurmatan panjenenganipun Bapak Djoko Sutarno ingkang jumeneng silih salira panjenenganipun Bapak Mulyono, SH sarimbit

Kulo ingkang kapatah dados talang basanipun Bapak Drs. Priyanto sakulowargo, keparenga kulo memuji dumateng Gusti ingkang murbeng dumadi, mugi kulo panjenengan sedoyo tansah pinayungan ing karahayon.

Salajengipun ingkang sepisan, kulo keparengo ngaturaken sugeng rawuh dumateng Bapak Mulyono sakulowargo ingkang kerso rawuh wonten dalemipun Bapak Priyanto atur salam taklim saking pajenenganipun Bapak Mulyono sarimbit katur dumateng Bapak Priyanto sampun kulo tampi kanti ing mangke bade kulo aturaken dumateng ngarsanipun Bapak Priyanto.

Mboten kantun salam taklim saking Bapak Priyanto mugi keparengo kaaturaken dumateng Bapak Mulyono sakulowargo.

Ingkang kaping kalih, menggah ngengingi atur panjenengan kautus Bapak Mulyono nglamar putro putrinipun Bapak Ibu Priyanto ingkang sesilih nimas Stella Ratri Pratiswari ingkang bade dipun pundut mantu kadaopaken kalian putro Bapak Ibu Mulyono ingkang sesilih anak mas Candra Tri Mardani, satuhu damel renaning manah kulo.

Awit saking puniko, amargi kadosipun poro putro Mba Ella kalian Mas Candra sampun ketingal cocok, sami gambuh manahipun, pramilo kulo ingkang kapasrahan paring wangsulan, Bapak Ibu Priyanto kepareng nampi penglamar panjenengan.

Jangkep kaping tigo, Bapak Ibu Mulyono sakulowargo ingkang tansah pinaringan karahayon, mbok bilih anggen kawulo nampi rawuh panjenengan sak rombongan kirang toto lan trapsila saha ndadosaken kirang renaning penggalih, Bapak Ibu Priyanto nyuwun dumateng panjenengan sadoyo kerso paring gunging samudro pangaksomo.

Bapak Djoko Sutarno ingkang minulyo awit saking atur panjenengan ingkang ngersakaken peningset / kekancingan kangge Nimas Ella lan Mas Candra. Bapak Ibu Priyanto sarujuk lan ugi mangestoni lan sagedo ndadosaken tambahing silaturahim kulowargo lan poro putro. Amin.

PAMIT

Bapak Djoko, Bapak Mulyono sarimbit soho kulowargo sadoyo awit saking sampun paripurnaning upocoro lamaran lan ugi saking aturipun Bapak Djoko bade kundur, Bapak Priyanto sakulowargo ngaturaken sungeng kundur, pinaringano lancar lan kalis saking rubeda. Amin.

Mugi-mugi kito sagedo pinanggih malih.